schweiz weihnachten weihnachtsgeschichte erzaehlen geschichte dezember schwiiz



So erzählt man es sich in Schaffhausen:

Lukas zwaa, Väärs aas bis zwanzg: I säbere Ziit hät de Keiser Augustus de Befääl ärloo, i sim ganze Riich e Volkszelling durezfüere. Di sälb Erfassing, die erscht i ire Art, hät stattgfunde, wo de Quirinius Stadthalter z’Sürie gsii isch. Jede isch gange zum ärfasst wärde, jede i siini Haametstadt. Will de Josef en Nòòchkomme vom David gsii isch, isch är vo Nazaret z’Galiäa ue gange id Stadt Davids, z’Judaa, wo me Betlehem ghaasse hät, zum sich erfasse z’loo, zeme mit der Maria, wo siini Verlobti gsii isch und wo schwanger gsii isch. Wäred si dei gsii sind, isch d’Ziit choo, wo si het söle gebääre und si hät ire erscht Chind, en Bueb, uf d’Wält pròòcht. Si hät en ine Tuech iigwicklet und ine Chrippe glaat, wil für si kan Platz gsii isch i der Härbäärg. I säbere Geged sind e par Hirte uf em Fäld gsii, wo iri Häärde bewacht hand, wo ine en Engel ärschine isch und d’Härrlichkeit Gòttes si umgee und aagstraalet hät. Si sind z’Tood verschrocke, aber den Engel hät gsaat: “Hand ka Angscht, denn ich bi dòò zum eu e Nòchricht z’verkünde, wo allne Mensche Freud mache wüürt. Grad hüt isch i der Stadt Davids en Ärretter geboore, de Messias, de Härr. Und da würt de Bewiis sii, dan ir e Chind finded, wo imene Tuech iigwicklet isch und inere Chrippe liit”. Plötzli isch um de Engel e riisigi Heerschaar vom Himmel gsii, wo Gòtt eso globt hand: “Ehr sei Gòtt im höchschte Himmel und uf der Ärde Fride under de Mensche, wo voll guete Wille sind”. D’Engel sind erscht drò in Himmel zrugg, wo d’Hirte zonenand gsaat hand: “Lond üüs uf Betlehem goo zum da aaluege, wa gschää isch wo de Härr üüs gsaat hät”. Gschnäll sinds ai gange und hand d’Maria, de Josef und s’Chind gfunde, wo inere Chrippe gläge isch. Wo si da gsää hand, hands überall verzellt, wa si vo dem Chind vernoo hand. Und alli, wo da ghöört hand, sind über da, wa d’Hirte gsaat hand, verwunderet gsii. Aber d’Maria hät all die Wòrt is Härz iigschlòsse und hät drüber nòò tenkt. Mittlerwiile sind d’Hirte zrugg keert und hand Gòtt über allem gloobt, wa si ghört und gsää hand. Es isch alles eso gsii, wie me ine verzellt hät. Väärs nüünedriissg bis vierzg: Wo de Josef und d’Maria alles to hand, wa d’Tooraa vo Gòtt verlangt hät, sind si uf Galiläa i iri Statt Nazaret haam ggange. S’Chind isch gwachse und isch schtarch und mit Wiisheit ärfüllt wòrde, d’Gnaad Gòttes isch uf im gläge. Kapitel dreiezwanzg, Väärs vierevierzg bis sechsevierzg: Es isch iezed uugfäär Mittag gsii und e Fiischternis hät s’ganz Land zueteckt bis gäg di drei am Nòmittag – d’Sunne hät numme gschune. Au isch de Vòrhang, wo de heilig Beriich im Tempel abgrenzt hät, mittenabenand grisse. Dò hät Jesus luut ufgschraue und grüeft: “Vatter, i diini Hend übergib ich min Geischt”. Mit dene Wort isch är gschtòrbe. Kapitel dreiezwanzg, Väärs aanefufzg: Und wäred är si gsägnet hät, hät är sich vo ine zrugg zoge und isch in Himmel ue ärhòbe worde.

Auf jesus.ch
Die Weihnachtsgeschichte in 20 Schweizer Dialekten

Schweizerdeutsch & Schweiz Kommentare

  • 28. November 2016 um 16:22
    Permalink

    Ich bin im Zürcher Oberland aufgewachsen und finde den Text recht authenisch aber nicht vollständig stimmig übersetzt. Aber das liegt wohl daran, dass im Kanton Zürich eben auch nicht flächendeckend derselbe Dialekt gesprochen wird. Grundsätzlich finde ich den Text zu Umlaut-lastig. In 80 Prozent gehört da „ä“ durch ein „e“ ersetzt, und ein schwaches „d“ durch das starker betonte „t“ damit es für echte Zürcher Ohren stimmt. Aber sonst o.K…

    Antworten
    • 2. Dezember 2016 um 19:13
      Permalink

      Danke vielmals für Ihr Feedback

      Toll das Ihnen der Text trotzdem gut gefällt.

      Antworten
  • 25. Dezember 2016 um 13:42
    Permalink

    Super der Dialekt. Aber welches Dorf ist es? Schlaate hätte ich gemeint. Habe mich erkundigt bei einem waschechten Schlaatemer und der sagte, dass man z’Schlaate nicht „ai gange“ sagt.
    Ja nun welcher Dorfdialekt ist es nun?

    Antworten

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.